香港誠品
香港誠品 席地而坐打書釘
噚日Emily去咗今日試業嘅誠品書店先睹為快，4.1萬呎嘅書店真係唔講得笑，地方好闊落，真係席地而坐打書釘都得，唔鍾意又可以坐吓懷 舊look嘅櫈，咁嘅環境睇書真係幾寫意！
香港誠品 - 書擺得整齊 空間闊落
香港誠品都係以木色為主，光線同PAGE ONE差唔多，好似仲柔和少少，書就唔會好似傳統書店咁放到密麻麻，除咗靠牆啲書櫃，書店中心嘅一張張書枱，唔會大疊大疊放書，而係井然有序咁放咗精選書 籍，放得矮矮地，成個空間唔會太壓迫。
香港誠品 - 「先讀為快」
噚晚誠品搞咗個VIP night，唔少文化人都去咗「先讀為快」，至於一眾誠品fans就可以今日去睇睇，仲可以上facebook參加誠品嘅書櫃照片徵集，順手簡介自己嘅讀 書習慣，如果作品好彩被揀中，就有機會成為誠品展品，仲可以攞埋誠品人一年會籍。
香港誠品
