Chanel 火腩飯青島

Chanel 火腩飯青島

畢彼特香水廣告現惡搞潮 – Chanel 火腩飯青島

佐治古尼chok王上身無傷大雅，可憐他的老友畢彼特（Brad Pitt）雖以天價700萬美元接拍了30秒Chanel No. 5香水廣告，更是Chanel該品牌香水面世以來首名男性代言人，可惜Chanel廣告上周一曝光以來，劣評如潮之外，更淪為惡搞對象，除了香港有網友配音以「火腩飯青島」二次創作外，美國名嘴Conan O’Brien也不放過畢彼特，找個半裸凸腩男接駁畢彼特在Chanel廣告中的頭部，複製成充滿鹹趣的片段。

畢彼特香水廣告現惡搞潮 – Chanel 火腩飯青島

Chanel 火腩飯青島

綜藝節目Saturday Night Live（SNL）也加入惡搞行列，更連拍4條短片，全部針對該廣告中畢彼特自言自語的無厘頭對白。另外，1970年代偶像歌手Leif Garrett的惡搞版本更製作非常認真，除衣著打扮學到足外，連忽明忽暗的燈光也跟足，相當搞笑。相信類似的片段還會陸續有來。

近期Chanel No.5 香水廣告，請了畢彼特做代言人，新聞網站主場新聞更有文章剖析了Chanel 此舉如何破格，也如何招來批評，當中以畢彼特那讓人摸不著頭腦的獨白尤甚。雖然文章以假如林峰賣花油廣告配上這獨白會如何搞笑，但其實未算極致。事緣日前網上有人惡搞這個廣告片段，為畢彼特的獨白重新配音，內容正是高登潮文《豆腐火腩飯》，仲要成條片夾曬口形。畢彼特那憂鬱的眼神，唏噓的鬚根，配上磁性的聲線講：「火腩飯，Inevitable」，真係笑到甩轆。

火腩飯青島，【二次創作】畢彼特：「火腩飯，Inevitable」



可能好多人睇完條片都係一頭霧水。所謂「火腩飯」其實係一篇潮文，有高人某日食完火腩飯，寫咗個「飯後感」，真係一字一真理唔係普通麻甩所能去到嘅層次。由一碟火腩飯，作者用味蕾與人生各種歷練昇華合而為一，劈頭一句﹕「我每食完一碟火腩飯之後都會同我女朋友講分手，因為我知道，佢已經唔再明白我。」高登仔唔係只識惡搞架。

依家有人將畢彼特呢個Chanel No.5充滿詩意嘅廣告(佢明明念緊詩)，變成歌頌火腩飯。最後一句「火腩飯，inevitable。」唔知有幾多人讀得啱。

There you are – 火腩飯青島

原文：火腩飯潮文

我每食完一碟火腩飯之後都會同我女朋友講分手

因為我知道，佢已經唔再明白我

佢唔知道我o係茶記所經歷過既有幾多

佢問我食乜，我真係唔想答佢

日本野? 秦國野? 真係敷淺

究竟我仲可以繼續忍受自己既伴侶將d生既肉放入口

每舊火腩都經過紅紅烈火，百度高溫

係經過歷煉，係經過漫長既試鍊

每一舊都有佢既歷史，佢既故事

魚生究竟有d乜? 根本就好似d白癡港女錦，一無所知，戇鳩鳩，生勾勾

我恨我既人生唔可以好似火腩錦

搵到咁多好既伴侶，豆腐，涼瓜，冬瓜，枝竹。。各有特色

亦搵唔到咁多知音人，

有時侯，我自己一個坐o係茶記食火腩飯

我覺得自己係孤獨，我覺得呢個世界係冇人明白我

我叫左枝青島，我望住杯入面黃色既啤酒

我望唔透，我望唔清究竟呢個世界仲有幾多野我係掌握到

我好迷茫

我離開間茶記，我俾錢既時侯發覺有個OL食緊枝竹火腩飯

我望住佢，佢望住我

我地互相點點頭

我好感動，原來呢個世界仲有人係同我有相同既諗法

我忍住淚水

走出茶記，點起支煙，

頭都冇回就走返屋企

或者個OL會問，點解我放棄呢一段咁難得既姻緣

我唔知道

o係呢一刻

我覺得我係一個浪子

畢彼特香水廣告現惡搞潮 – Chanel 火腩飯青島